Դասընթացներ

Դասընթացն իր մեջ ներառում է անալոգային և թվային էլեկտրոնիկայի բաժինները: Տրվում են անալոգային և թվային էլեկտրոնիկայի բազային էլեմենտների հասկացությունները և բնութագրերը: Կիրառվում են գործիքներ, որոնց միջոցով հասանելի են դառնում էլեկտրոնիկայի հիմունքները:

Դասընթացը ներառում է հետևյալ բաժինները՝ Էլեկտրոէներգիայի որակի վերահսկման համակարգ, միկրոպրոցեսորների ռելեական պաշտպանություն և ալտերնատիվ Էներգետիկա: Հիմնական հասկացություններն են՝ ցանցում էլեկտրաէներգիայի որակի չափանիշների մոնիթորինգը, ռելեական պաշպանության, ինչպես նաև արևային և ջրածնային վառելիքից ստացվող էներգիայի հիմնահարցերը:

Դասընթացում ուսումնասիրվում են էլեկտրոտեխնիկայի հիմունքները: Դիտարկվում են հաստատուն հոսանքի էլեկտրական սխեմաներ. Օհմի օրենք, Կիրխհոֆի օրենքներ, վերադրման թեորեմ, փոխարինման թեորեմ և այլն, փոփոխական հոսանքի էլեկտրական սխեմաներ՝ RL, RC, RLC սինուսոիդային հոսանքի շղթաներ, անցումային գործընթացներ՝ RL, RC, RLC շղթաներում:

Դասընթացն ուղղված է ռոբոտաշինության հիմնահարցերին: Այն հնարավորություն է տալիս հասկանալ ռոբոտատեխնիկայում առկա հիմնական խնդիրները՝ ինչպես իրականացնել ալգորիթմների մշակում, շարժիչների և ռոբոտների ղեկավարում, աշխատել տարբեր կարգավորիչների հետ, հասկանալ մանիպուլյատորի աշխատանքի սկզբունքները: Դասընթացը ներառում է նաև մեքենայական տեսողության համակարգերի մասին բաժինը:

Դասընթացում դիտարկվում են երկու հիմնական բաժիններ, որոնք են՝ ժամանակակից թվային և անալոգային հաղորդակցման հիմունքները և ժամանակակից մանրաթելաօպտիակական համակարգերը: Դասընթացը կենտրոնացած է անալոգային և թվային հեռահաղորդակցման և մանրաթելաօպտիակական համակարգերի աշխատանքի հիմունքների վրա:

Մեխանիկա դասընթացը բաղկացած է՝ շարժման ղեկավարում և մեխանիկական ատամնանիվներ, մեխանիզմների և մեքենաների տեսություն և միջավայրում էլեկտրական և մեխանիկական համակարգերի տեխնիկական դիագնոստիկա և թրթռատատանումներ բաժիններից: Բաժինները համապատասխանաբար ուսումնասիրում են ատամնանիվների շարժման ղեկավարումը, տարբեր մեխանիզմների աշխատանքը, կինեմատիկան, ինչպես նաև հնարավոր տատանումների և աղմուկների չափումը և աշխտորոշումը: