Դասընթացներ

Դասընթացում ուսումնասիրվում են էլեկտրոտեխնիկայի հիմունքները: Դիտարկվում են հաստատուն հոսանքի էլեկտրական սխեմաներ. Օհմի օրենք, Կիրխհոֆի օրենքներ, վերադրման թեորեմ, փոխարինման թեորեմ և այլն, փոփոխական հոսանքի էլեկտրական սխեմաներ՝ RL, RC, RLC սինուսոիդային հոսանքի շղթաներ, անցումային գործընթացներ՝ RL, RC, RLC շղթաներում:

Դասընթացն ուղղված է ռոբոտաշինության հիմնահարցերին: Այն հնարավորություն է տալիս հասկանալ ռոբոտատեխնիկայում առկա հիմնական խնդիրները՝ ինչպես իրականացնել ալգորիթմների մշակում, շարժիչների և ռոբոտների ղեկավարում, աշխատել տարբեր կարգավորիչների հետ, հասկանալ մանիպուլյատորի աշխատանքի սկզբունքները: Դասընթացը ներառում է նաև մեքենայական տեսողության համակարգերի մասին բաժինը:

Դասընթացում դիտարկվում են երկու հիմնական բաժիններ, որոնք են՝ ժամանակակից թվային և անալոգային հաղորդակցման հիմունքները և ժամանակակից մանրաթելաօպտիակական համակարգերը: Դասընթացը կենտրոնացած է անալոգային և թվային հեռահաղորդակցման և մանրաթելաօպտիակական համակարգերի աշխատանքի հիմունքների վրա:

Մեխանիկա դասընթացը բաղկացած է՝ շարժման ղեկավարում և մեխանիկական ատամնանիվներ, մեխանիզմների և մեքենաների տեսություն և միջավայրում էլեկտրական և մեխանիկական համակարգերի տեխնիկական դիագնոստիկա և թրթռատատանումներ բաժիններից: Բաժինները համապատասխանաբար ուսումնասիրում են ատամնանիվների շարժման ղեկավարումը, տարբեր մեխանիզմների աշխատանքը, կինեմատիկան, ինչպես նաև հնարավոր տատանումների և աղմուկների չափումը և աշխտորոշումը:

Թվային պատկերի մշակման և մեքենայական տեսողության դասընթացը սովորեցնում է թվային պատկերի մշակման հիմքերը, օգնում է հասկանալ այդ ոլորտի հետ կապված խնդիրներն ու գոյություն ունեցող ալգորիթմները: Լուծել որակի ստուգման, օբյեկտի հայտնաբերման և ճանաչման խնդիրները թվային տեսախցիկների և թվային պատկերների օգտագործմամբ:

Դասընթացներ ուղղորդված պատվիրատուի առանձնահատուկ պահանջներին: