Նորարարական բիզնես գաղափարների մրցույթի
մասնակցության հրավեր
ՀԱՊՀ-ի կողմից ERASMUS+ «Նորարարական կարողությունների և ձեռնարկատիրական հմտությունների ընդլայնումը ճարտարագիտական կրթության մեջ (InnoCENS)» ծրագրի շրջանակներում հայտարարվում է “Նորարարական բիզնես գաղափարի” մրցույթ:
«Նորարարական բիզնես գաղափարի» մրցույթին մասնակցության հայտ կարող են ներկայացնել InnoCNES նախագծի մասնակից չորս երկների՝ Հայաստանի, Վրաստանի, Բելառուսի և Ղազախստանի շահառու հանդիսացող համալսարանների՝
- Հայաստանի ազգային պոլիտեխնիկական համալսարան (ՀԱՊՀ),
- Ճարտարապետության և շինարարության Հայաստանի ազգային համալսարան (ՃՇՀԱՀ),
- Վրաստանի տեխնիկական համալսարան (ՎՏՀ),
- Բաթումիի համալսարան(ԲՀ),
- Բելառուսի պետական համալսարան (ԲՊՀ),
- Բրեստի պետական տեխնիկական համալսարան (ԲՊՏՀ),
- Ալմաթայի էներգետիկայի և կապի համալսարան (ԱԷԿՀ),
- Տարազի պետական համալսարան (ՏՊՀ)
ուսանողները:
Մրցույթի մասնակցության հայտերի ընդունման վերջնաժամկետը՝ սույն թվականի ապրիլի 30-ը: Մասնակցության հայտ կարող են ներկայացնել երեք ուսանողներից բաղկացած այն թիմերը, որոնցից առնվազն մեկ անդամը հանդիսանում է ՀԱՊՀ ուսանող:
Լրացված հայտը (Հավելված 1) պետք է ուղարկել amalya.mkhitaryan@polytechnic.am էլեկտրոնային հասցեին:
Մրցույթին հայտարարագրված բիզնես գաղափարների գնահատումը կիրականացվի հաշվի առնելով ներկայացված գաղափարի արդիականությունը, կոմերցիոն ներուժը, սոցիալական ազդեցությունը, բիզնես պլանի որակը և ներկայացման ձևը:
Ներկայացված 10 լավագույն գաղափարները հնարավորություն կստանան մասնակցելու ՀԱՊՀ-ի կողմից կազմակերպվող տեղային մրցույթի եզրափակիչ փուլին, որը տեղի կունենա սույն թվականի մայիս ամսին: Տեղային եզրափակիչ փուլի հաղթող թիմը կստանա մինչև 2500 Եվրո մրցանակ (ֆինանսավորում)՝ Իսպանիայի Վալենսիա քաղաքում InnoCENS մասնակից երկրների միջև կայանալիք եզրափակիչ մրցույթին մասնակցելու համար:
Տեղային եզրափակիչ փուլի արդյունքներում հաղթող ճանաչված թիմը պետք է մինչև սույն թվականի օգոստոսի 13-ը ներկայացնի ավարտուն բիզնես նախագիծ:
Մրցույթի եզրափակիչ փուլը տեղի կունենա սույն թվականի սեպտեմբերի 13-ին` Իսպանիայի Վալենսիա քաղաքում: Եզրափակիչ փուլի հաղթողը հրավեր կստանա մասնակցելու InnoCENS նախագծի եզրափակիչ կոնֆերանսին, որը տեղի կունենա սույն թվականի հոկտեմբեր ամսին Ղազախստանի Աստանա քաղաքում:
Մրցույթի մասին մանրամասն ինֆորմացիա կարող եք ստանալ https://innocens.webs.upv.es/ կայքում:
Հարցերի դեպքում զանգահարել 010566375 հեռախոսահամարով:
