Համարո՞ւմ ես, որ հանդիսանում ես տեխնոլոգիական բացառիկ գաղափարների կրող։ Ունե՞ս թիմ, Startup նախագիծ և ցանկանո՞ւմ ես այն դարձնել իրականություն։ Կամ պարզապես ցանկանո՞ւմ ես սովորել ոլորտի փորձառու մասնագետներից և լսել խորհուրդներ, տեղյակ լինել ոլորտում տեղի ունեցող իրադարձություններից և գործող առաջատար կազմակերպություներից:
Ուրեմն ՀԱՊՀ Ուսանողական խորհրդի և Հայասանի Ազգային ճարտարագիտական լաբորատորիաների «Տեխնոշաբաթ» միջոցառումը հենց քեզ համար է։
ՀԱՊՀ 85 ամյակին նվիրված ծրագրի շրջանակներում հոկտեմբերի 15-19-ը Պոլիտեխնիկում նախատեսվում է իրականացնել միջոցառումների մի ամբողջ շարք, որտեղ ձեզանից յուրաքանչյուրը կգտնի այն, որն ավելի կհետաքրքրի իրեն (Միջոցառումների ժամանակացույց):
«Տեխնոշաբաթ»-ի ընթացում դու հնարավորություն կունենաս «Բաց դռների օր» միջոցառման շրջանակներում այցելել և ծանոթանալ համալսարանում առկա ենթակառուցվածքներին, մասնակցել ինժեներական նախագծերի ցուցահանդեսին, դառնալ Նորարարական գաղափարների մրցույթի մասնակից և առաջարկել քո ինովացիոն գաղափարը:
Այս ամենը կուղեկցվի վարպետաց դասերով, սեմինարներով, հետաքրքիր հանդիպում քննարկումներով: Ձեռներեցության օրվա շրջանակներում դու հնարավորություն կունենաս հանդիպել ոլորտի առաջատար ընկերությունների ներկայացուցիչների, ընկերությունների հիմնադիր տնօրենների և այլոց հետ, տալ և ստանալ քեզ հետաքրքրող հարցերի պատասխանը:
«Տեխնոշաբաթ»-ին մասնակցելու համար ծանոթացիր միջոցառումների անցկացման ժամանակացույցին (Միջոցառումների ժամանակացույց), գրանցվիր «Բաց դռների օր» միջոցառմանը հետևյալ հղումով՝
Հանդիպիր տեխնոլոգիական ոլորտի ձեռնարկությունների ներկայացուցիչներին գրանցվելով և մասնակցելով ձեռներեցության օրվա միջոցառումներին հետևյալ հղումով՝
Ձևավորի՛ր քո թիմը՝ կազմված 2-5 անդամից և ներկայացրու դիմում-հայտ մասնակցելու համար Նորարարական գաղափարների մրցույթին՝
Ստացիր հնարավորություն աշխատելու քո թիմի հետ, ստանալու մասնագետների խորհրդատվությունը, զարգացնելու քո ինովացիոն գաղափարը և ներկայացնելու այն փորձառու ժյուրիին:
Դարձիր լավագույն թիմերից մեկը և արժանացիր մրցանակի և որ ամենակարևորն է լսելի դարձրու քո գաղափարը հանրությանը և պոտենցիալ ներդրողին:
Նորարարական գաղափարների մրցույթի հայտերի ընդունման վերջնաժամկետը հոկտեմբերի 15-ն է: Շտապիր գրանցվել և տեղեկացրու ընկերոջդ:
Շտապիր դառնալ ամենատեխնոլոգիական ԲՈՒՀ-ի ամենատեխնոլոգիական շաբաթի մասնակից:
