Հոկտեմբերի 21-ից 23-ը Երևանում և Վանաձորում տեղի կունենա «Հայաստան - Ինժեներական շաբաթ 2021» համաժողով - ցուցահանդեսը:
«Հայաստան - Ինժեներական շաբաթ» միջոցառումների շարքը ճարտարագիտության ոլորտում հայաստանյան ամենամյա գլխավոր իրադարձությունն է:
Միջոցառումների շրջանակում ինժեներները ներկայացնում են իրենց վերջին նվաճումներն այնպիսի ոլորտներում, ինչպիսիք են՝ ավտոմոբիլային արդյունաբերությունը, կիսահաղորդչային սարքերի թեստավորումը, անլար հաղորդակցությունը, կենսաբժշկական ճարտարագիտությունը, սպառողական էլեկտրոնիկան, կրթական տեխնոլոգիաները և բարձր տեխնոլոգիական արտադրությունը:
Միջոցառման նախնական ծրագիրը՝
Հինգշաբթի, Հոկտեմբերի 21, վայրը՝ Կոնգրես հյուրանոց, Երևան
Հիմնական ելույթներ, Արդյունաբերական ուղղություններ
- Ավտոմոբիլային արդյունաբերություն
- Կիսահաղորդչային սարքերի թեստավորում
- Կենսաբժշկական ճարտարագիտություն
- ՌՀ (RF) և կապ
- Ինժեներական կրթություն
- Բարձր տեխնոլոգիական արտադրություն
Ուրբաթ, Հոկտեմբերի 22, վայրը՝ Ինժեներական քաղաք, Բագրևանդ 21/1, Երևան
Կիրառությունների ուսումնասիրություն
Ցուցահանդես
Կոկտեյլային երեկույթ
Շաբաթ, Հոկտեմբերի 23, Վանաձորի տեխնոլոգիական կենտրոն, Վանաձոր
Հիմնական ելույթներ
Արդյունաբերական պանելային քննարկումներ
Ռոք համերգ
Գրանցման և լրացուցիչ տեղեկությունների համար այցելեք՝ www.engineeringcity.am
«Հայաստան - Ինժեներական շաբաթ 2021»-ն իրականացվում է Ինժեներական ասոցիացիայի և «Ձեռնարկությունների ինկուբատոր» հիմնադրամի կողմից՝ ՀՀ կառավարության, PMI Science-ի, Ինժեներական քաղաքի (EC), Վանաձորի տեխնոլոգիական կենտրոնի (ՎՏԿ), Գյումրու տեխնոլոգիական կենտրոնի (ԳՏԿ) հետ համագործակցությամբ։
