Գիտահետազոտություն
Գիտահետազոտությունը և նորարարությունը կատարվում են լավ գործիքակազմ ունեցող լաբորատորիաներում:
Ս.թ. փետրվարի 5-ին, Հանրակրթական Դիջիթեք 2015-ի շրջանակներում, Մխիթար Սեբաստացի կրթահամալիրի սաների համար Հայաստանի ազգային պոլիտեխնիկական համալսարանի ANEL լաբորատորիաներում անցկացվեց բաց դաս: Դասի նպատակն էր մասնակիցներին ծանոթացնել Պոլիտեխնիկական համալսարանում առկա ժամանակակից լաբորատոր բազայի հնարավորություններին:
Բաց դասին մասնակցեցին մոտ 25 երեխա: Դասի ընթացքում նրանք ծանոթացան LabVIEW գրաֆիկական ծրագրավորման միջավայրի հետ և ինքնուրույն լուծեցին իրենց առաջին ծրագրավորման խնդիրը: Լաբորատորիաներով շրջայց կատարելու ժամանակ աշակերտները ծանոթացան ինժեներական նորարարական սարքավորումների հետ, համեմատեցին դրանք նախատիպերի հետ և սպառեցին իրենց հետաքրքրասիրությունը բազմաթիվ և բազմազան հարցերի միջոցով:
ANEL մասնագետները մեծ ոգևորությամբ կիսվեցին իրենց գիտելիքներով փոքրիկ ընկերների հետ: Այսպիսով, կայացավ ևս մեկ շատ ակտիվ և ինֆորմատիվ դաս պոլիտեխնիկական կրթության պրոպագանդման շրջանակներում:
