Հայաստանի ազգային պոլիտեխնիկական համալսարանը (ՀԱՊՀ), Ձեռնարկությունների ինկուբատոր հիմնադրամի (ՁԻՀ), Ինժեներական քաղաքի, Հայաստանի ազգային ճարտարագիտական լաբորատորիաների (ՀԱՃԼ) հետ համատեղ և PMI Science-ի օժանդակությամբ հայտարարում է «Արդյունաբերական և համակարգային ինժեներություն» մագիստրոսական կրթական ծրագրի ընդունելություն 2019-2020 ուս. տարվա համար:
«Արդյունաբերական և համակարգային ինժեներություն» ծրագրի նպատակն է՝ պատրաստել լայնապրոֆիլ ինժեներներ, ովքեր կտիրապետեն տարաբնույթ համակարգերի մշակման բաղադրիչներին և ամբողջական համակարգերի ձևավորման գործառույթներին, ինժեներներ, ովքեր ընդունակ կլինեն հասկանալ, փոխկապակցել համակարգի ձևավորման մաս կազմող բոլոր բաղադրիչները և իրականացնել համակարգային համալիրների կառավարում, ինչպես նաև ինտեգրել բոլոր ենթաբաղադրիչներն իրար փոխլրացնող և արդյունավետ համակարգերում։
Ծրագրի տևողություն՝ 2 տարի
Փաստաթղթերի ընդունելություն՝ Օգոստոսի 19-ից օգոստոսի 26-ը ներառյալ
Մագիստրոսական կրթական ծրագիրը բաց է ինժեներա-տեխնիկական, բնագիտական, ինժեներա-տնտեսագիտական, տնտեսագիտական ոլորտում առնվազն բակալավրի որակավորում ունեցող ուսանողների համար
Մագիստրատուրայի ընդունելության մրցույթը կիրականացվի ըստ կրթական ծրագրերի՝ հետևյալ չափանիշների առաջնահերթությամբ.
- նախորդ ուսումնառության արդյունքում ցուցաբերած ընդհանուր առաջադիմության միջին որակական գնահատական (ՄՈԳ),
- մասնագիտական առարկաներից ցուցաբերած առաջադիմության միջին որակական գնահատական,
- տպագրված գիտական աշխատանքների թիվը:
Մանրամասն ինֆորմացիան www.polytech.am կայքում:
«Արդյունաբերական և համակարգային ինժեներություն» մագիստրոսական կրթական ծրագրի 2019-2020 ուս. տարվա ընդունելության համար գոծընկեր ընկերությունների կողմից կտրամադրվեն թվով 10 կրթաթոշակներ:
Կրթաթոշակի թեկնածուների ընտրությունը կկատարվի գործընկեր ընկերությունների ներկայացուցիչներից կազմված հանձնաժողովի կողմից՝ ներկայացված դիմում-հայտի, ՄՈԳ-ը հաստատող տեղեկանքի, հիմնարար գիտելիքների ստուգման թեստի և հարցազրույցի արդյունքների ընդhանուր ամփոփման հիման վրա: Ընտրված 10 թեկնածուները կստանան միանվագ կրթաթոշակ 570000 հազար դրամի չափով, որպես ուսման վարձի ամբողջական փոխհատուցում:
Մանրամասն ինֆորմացիայի համար զանգահարել 010566375 հեռախոսահամարով կամ գրել anel@polytechnic.am էլեկտրոնային հասցեին
Գործերն ընդունվում են՝ ՀԱՊՀ ընդունող հանձնաժողով՝ ՀԱՊՀ 3-րդ մասնաշենք 1-ին հարկ
